صناعة المنصة الذكية — تعلّم Vibe Coding بالـ AI

عمرك فكرت إنك ممكن تبدأ بفكرة في دماغك، وفي وقت قليل جدًا تحولها لمنصة شغالة فعلًا، من غير ما تبدأ في رحلة برمجة طويلة ومعقدة؟

في الكورس ده هنتعلم مع بعض طريقة جديدة في تطوير المنصات اسمها Vibe Coding، واللي بتخليك تستخدم الذكاء الاصطناعي كأداة أساسية في بناء المشروع، مش مجرد أداة تساعدك تكتب شوية كود.

هنبدأ من الصفر: إزاي تفكر في المنصة قبل ما تبنيها، وإزاي تحوّل فكرتك لـ Requirements واضحة، وتحدد الـ Features والـ User Flow والـ Sitemap، بحيث تقدر توصل للـ AI بالضبط إنت عايز تعمل إيه.

بعد كده هندخل على مرحلة الـ Prompt Engineering، وهنشوف إزاي تكتب Prompts احترافية تخلي الـ AI يفهم المطلوب منه ويطلعلك نتائج أقرب للنتيجة اللي في دماغك، بدل ما تفضل تجرب وتعدل بشكل عشوائي.

وهنتعلم Workflow عملي باستخدام Lovable، هنبدأ بتصميم الـ UI والـ Pages الأول، ونراجع ونطور التصميم لحد ما نوصل للشكل المطلوب، وبعدها نبدأ نحول الواجهة لمنصة Functional بإضافة الـ Features والـ Logic والـ Backend والـ Database.

كمان هنتكلم عن جزء مهم جدًا وهو User Scenarios & Pipelines، وإزاي تفكر في كل السيناريوهات اللي ممكن تحصل للمستخدم قبل ما تطلب من الـ AI تنفيذ الـ Logic، لأن الذكاء الاصطناعي ممكن يكون سريع جدًا في التنفيذ، لكنه مش دايمًا عنده القدرة إنه يتوقع كل الحالات اللي ممكن تحصل.

مش هنقف عند مرحلة البناء فقط.

هنتعلم إزاي نختبر المنصة، نكتشف الأخطاء والـ Features اللي شكلها شغال لكن فعليًا مش Functional، ونستخدم الـ AI في Debugging وإصلاح المشاكل من غير ما نبوّظ أجزاء تانية من المشروع.

وفي النهاية هنتكلم عن Deployment & Maintenance، وإزاي تنشر المنصة، تربطها بـ GitHub والاستضافة الخارجية، وإيه الفرق بين إنك تفضل مستضيف المشروع على Lovable أو تنقله لاستضافة خارجية.

الفكرة الأساسية من الكورس إنك مش هتتعلم أداة واحدة وخلاص؛ إنت هتتعلم طريقة تفكير وWorkflow تقدر تستخدمه مع أي مشروع وأي أدوات AI مستقبلًا.

من أول:

Idea → Requirements → Sitemap → Prompts → UI → Features → Backend → Testing → Deployment

لحد ما يكون عندك MVP حقيقي شغال تقدر تجربه وتطوره وتبني عليه.

الكورس مناسب لأي حد عنده فكرة منصة أو SaaS أو Website Functional وعايز يعرف إزاي يستخدم الـ AI بشكل احترافي عشان يحول الفكرة لمنتج حقيقي، سواء كنت Developer، Designer، Entrepreneur، Freelancer أو حتى لسه بتبدأ في المجال.